其實响近年漢服熱當中,唔單止係啲女生們鍾意,連唔少男士都著埋一份(不過唔知係咪俾另一半迫住著....)。阿史記得响讀書個陣上過古代文化課講禮儀時就提及過下,原本古代男子著嘅衫都好多唔同花款。

中國古代漢服最簡單分類大抵為禮服同常服(分類方式有好多派講法,史友們可留言討論),而常見又有上衣下裳、衣裳連制、長衫、衣褲、對襟罩衫等類型,唔同朝代有唔同款式,因為衣服款式呢樣嘢係按時代而有所轉變。禮服當中以冕服為最高級,主要由冠、上衣、下裳、舄等部分,响周禮當中就有「六冕之制」嘅記載,皇帝會著冕服。至於朝臣通常就會著朝臣。隨咗冕服,皇帝同大臣响特定時間會著祭服,因為响古代祭天係重要事情,先秦時期就佢哋就會著玄端。至於常服,就係日常生活著嘅衣服,而响唔同年代便服都有唔同朝流,好似唐代就流行通裁圓領袍,明代因受蒙古文化影響因而流行曳撒袍。至於大家平時响電視劇見到店小二著嘅,就係裋褐,通常用粗布做嘅上衣下褲裝束。

其實諗返轉頭,以前睇咁多大台拍嘅古代片,好似個個朝代來嚟來去都個幾套衫,又好似無觀眾深究過啲角色係咪著啱服飾....

原圖:網絡