美國幾時就排華法案道歉？

早幾日阿史就同大家介紹到美國早年點解會推動排華法案以及排華法案當年對華人造成嘅影響，咁世界各國都深知排華法案係美國所犯下嘅一大錯誤，咁到底美國又係幾時先開始更正返呢個錯誤呢？阿史今次就同大家講一講啦！

呢項法案由1882年起簽署、將所有華人勞工拒於美國之外、甚至仲限制入境移民、禁止華人在美國擁有房產、禁止華人與白人通婚、禁止華人妻子兒女移民美國。雖然喺1943年就被廢止，但美國就一直都冇就呢件事向華人道歉。

咁美國係幾時先至肯為呢次針對華人嘅法案道歉呢？答案就係喺2011年喇。喺2011年10月，美國參議院就通過排華法案道歉決議，喺2012年6月就全票通過表決，並且用立法形式向曾經排斥同埋歧視華人嘅做法道歉，對唔少華裔嚟講，呢個真係歷史上難得嘅時刻。