近排有內地嘅網民喺網上就爆料，指五代十國時期吳越國國王錢鏐墳墓被盜，事件曝光之後就引嚟廣泛關注，而當局亦都確認錢鏐墓確實遭盜掘，而且仲火速捉到犯罪嫌疑人39名，被盜掘嘅175件文物全部都搵返。

提起錢鏐可能有史友都唔太熟悉，其實佢係五代十國時期吳越國第一代國王，喺佢統治時期就曾經大力整治西湖，令到呢個地方成為五代十世中最為安居樂業嘅地方。而佢死後嘅墓就葬咗喺杭州市臨安區錦城街道太廟山南坡，連同佢在內仲有第二代國王錢元瓘、王后馬氏墓、錢鏐父母錢寬同埋水邱氏墓，成個墓葬群就稱為「吳越國王陵」。

其實當局係打算將呢個吳越國王陵發展成「吳越國王陵考古遺址公園」，而工程亦都進行中，只係今次不幸被盜挖，而專家就表示，追討返嚟嘅文物好多都係器形完好，當中就係瓷、金玉腰帶等珍貴文物，真係好期待之後可以親眼見到啊！

原圖嚟自網絡