中國邊個行政區域最早以「海」命名？

响中國有唔少地方係以海為名，即使內陸地方都有好多地方係用上個「海」字（之後可能寫多篇文介紹下）。好喇！咁史友們又知唔知中國邊個行政區域最早以「海」命名呢？呢個地方仲同大家好近添。

答案就係南海喇！响公元前214年，秦朝統一嶺南，响嶺南地區設桂林、象、南海三郡，南海郡亦成為咗中國歷史上首個以「海」命名嘅行政區域。之所以叫南海，係因為南海郡轄境位處東南瀕南海地區。响漢代馬王堆墓出圖《地形圖》上，就有記錄低小小月牙形嘅南海灣。

歷史上嘅嘅南海郡，以現今地域嚟睇就係廣東省大部分地區。至於今時今日佛山市有一個南海區，就同歷史上嘅嘅南海郡無乜關係。