鐵達尼號嘅真實事件相信唔少史友都聽過，但如果話當中有遇難者拋出瓶中信，大家又信唔信呢？

其實呢件事都唔係咩新聞，而係喺2017年發生。當年喺加拿大新不倫瑞克省一戶人家喺芬迪灣散步罵陣就搵到一個瓶中信。而且信嘅紙張睇落仲相當老舊，所以推斷係具有一定嘅歷史價值咁話。而當時呢家人就將呢封疑似係105年前寫落嘅信交咗畀研究團隊，而近日就有相關嘅消息喇！

據研究團隊表示，信入面嘅內容就係講述「我要將這個瓶子丟至大西洋裡，我們在幾天後會抵達紐約。如果有人撿到我的瓶中信，請幫我聯絡法國列萬的勒芙蓓一家」，而信上所寫嘅日期就係1912年4月13日，作者就係一個12歲嘅法國女學生勒芙蓓(Mathilde Lefebvre)。

研究團隊經過三年嘅調查之後，就表示信入面並搵唔到任何「偽造文書的痕跡」，而勒芙蓓其實係法國北部一位礦工弗蘭克(Franck Lefebvre)嘅女兒，當年佢父親先帶4個年紀較大小朋友去美國闖蕩，等生活穩定後先叫佢老婆瑪麗亞(Marie Daumont)帶埋其他4個小朋友到美國，勒芙蓓就係其中一個。

就咁聽落大家可能都會覺得呢封信係真，但問題就係研究團隊發現如果封信係喺大西洋拋落去，水流係唔可能經過新不倫瑞克省，到底呢件事係點都仲係一個謎啊！

原圖嚟自網絡