最近有個調查都幾值得史友們關注下，就係英國年輕人對王室制度嘅態度。調查指31%的人希望繼續由國王或女王擔任國家元首，有41%的人認為國家元首應由選舉選出，咁似乎英國國民對英國制度都有啲新諗法喎。
英國保留君主立憲制度嘅國家，英國王室名氣都相當大。咁史友們又知唔知英國王室係幾時開始出現呢？英國王室已有上千年歷史，至於幾時開始就有唔同講法，例如有講法就係從公元829年埃格伯特國王征服其他王國，成為英格蘭的共主開始，另一講法就係由1066年諾曼第公爵建立王朝起計。不過，英國王室盡管經歷咗好多唔同王朝，但實際上前後王朝之間都有血緣關系，王室成員之間嘅血親關系從未中斷過。另一方面，英國王室好多時都係同歐洲其他王室有血緣關係，好似依家嘅英國王室溫莎家族，父系血統為德意志血統，啱啱離世嘅菲臘親王係希臘王室成員，又同丹麥王室血緣有關。所以，十幾年前俄羅斯民間就有意見指可以復辟王室制度，仲可以搵英國哈利王子做沙皇，因為哈利嘅高曾祖母奧爾加•羅曼諾夫女大公係沙皇尼古拉一世沙皇嘅孫女，英國喬治五世國王係尼古拉二世嘅表哥。
雖然英國王室制度維持咁耐，但君主制一直備受爭議，當中原因係英國王室每年花費唔少，但起嘅作用唔大，女皇以至以後嘅君王都只係有名無實嘅領導。不過亦有意見認為呢個制度係英國獨一無二嘅政治傳統，應予保留。
原圖：zhihu.com