嘩嘩嘩,對唔少郵票收藏者嚟講,聽到呢個消息都應該會幾開心,事關今日香港郵政就宣佈會喺下半年發行特別郵票,而且仲會推出一套相關特別嘅郵票添!

阿史所講嘅正係以中國共產黨為主題、紀念中國共產黨成立100周年而推出嘅一套四枚郵票及一張郵票小型張嘅紀念郵票。呢套郵票就係以「中國共產黨成立一百周年」為主題,中國共產黨於1921年7月成立,咁所以郵票亦都會喺7月1日發行,面值由2元至10元。

據香港郵政指出,成套郵票會引用中國共產黨成立一百周年慶祝活動嘅唯一官方指定標識設計,即係「標識內之56根光芒線寓意中國共產黨奮進之光照耀中華大地」,而郵票內就會將光芒線延伸,寓意黨領導新中國嘅成立同埋發展。

除咗呢啲用心嘅位置,喺主題上呢套郵票都好特別架!例如四紀念郵票都有唔同主題,就好似2蚊郵票就會以「開天闢地」為題,繪有1921年中國共產黨第一次舉行全國代表大會嘅上海望志路106號;3.7蚊郵票就以「新中國成立」為題,畫有萬里長城同埋北京天安門城樓;4.9蚊郵票就以「改革開放」為題,描述豐收嘅田野與城市發展;至於5蚊郵票用上「走向復興」為題,繪有「天問一號」探測器同埋廣深港高鐵。

至於郵票小型張就以「開啟新征程」為題,展示1997年香港回歸、北京2008奧運馬術比賽於香港舉行、2020年國家支援香港抗疫等事件,都有相關好嘅寓意架!

原圖嚟自網絡