尋日我國一日之內痛失兩位院士，繼「中國雜交水稻之父」袁隆平逝世後，另一位「中國肝膽外科之父」吳孟超亦都喺同日逝世，享年99歲。

吳孟超出生喺1922年嘅福建省閩清縣，1949年喺同濟大學醫學院畢業，佢師從中國著名外科學家裘法祖，但其實直到36歲為止，佢都仲係對未來充滿迷茫，直到聽到裘法祖講起當時中國中國肝臟外科仲係一片空白嘅時候，吳孟超就意識到佢要喺肝膽外科領域創一番成就。

於是吳孟超就開始從事肝臟外科關鍵理論同埋技術體系研究，佢喺1959年就創立咗中國人肝臟「五葉四段」理論、1960年就主刀完成國內第一例肝臟切除術，之後佢就開創埋肝臟外科手術止血方法先河、翻譯第一部中文版肝臟外科入門專著、創造了間歇性肝門阻斷切肝法同埋常溫下無血切肝法，成就非凡！

吳孟超從醫七十八年，據估計治病救人達1,6000人，基本上醫藥衛生界都聽佢嘅名，佢將手術、治病救人當作至高事業，即使去到94歲佢都仍然有主刀手術。所以喺2011年5月，中國將17606號小行星命名為「吳孟超星」表揚佢對醫學界嘅貢獻。

原圖嚟自網絡