袁隆平有兩個「夢」？

尋日我國嘅「雜交水稻之父」袁隆平逝世，阿史就大概同大家介紹咗呢位拯救咗千萬人口嘅英雄事跡，而提袁隆平，其實仲有兩個「夢」值得再同大家介紹。

袁隆平之所以決定研發「雜交水稻」，原因係因為佢經歷過上世紀六十年嘅饑荒，眼見路邊骨瘦如柴嘅屍體於心不忍，決心唔要再見到有任何一個老百姓再捱餓。而袁隆平喺以往幾十年嘅生活入面，大概就只有兩個行程，「不在家，就在試驗田；不在試驗田，就在去試驗田的路上」，所以就算佢去到90歲嘅高齡，佢都仍然堅持喺科研第一線。

喺袁隆平早知做過嘅訪問入面，佢就有提到佢有兩個「夢」係希望可以實現：第一個夢就係佢嘅一個真實夢境，佢希望可以喺禾下乘涼，因為佢喺夢中見過試驗田入面嘅超級雜交水稻生得仲高過追粱，而且穀粒仲大過花生；至於第二個夢就係希望可以令雜交水稻覆蓋全球夢，而袁隆平嘅呢個夢想亦都逐步實現緊！