繼續同史友們介紹我國嘅傳奇運動員,早兩日就講完乒乓波運動員鄧亞萍同埋劉國梁,今次就轉為同大家介紹跳水運動員,同時亦都係我國第一個拎到奧運跳水金牌嘅運動員,佢就係高敏喇!

提起呢個名,相信有返咁上下年紀嘅史友都會諗起「跳水女皇」、「不敗神話」呢啲稱號,而唔講唔知,其實出生喺1970年四片嘅高敏,最初係以4歲之齡先學游水,後來就練習體操,真係機緣巧合之下先至喺9歲嘅時候接受跳水訓練,並且喺12歲嘅時候成為全國冠軍,後來入選埋國家隊。

唔講唔知,其實高敏喺12歲果年就因為一次喺十米跳臺上墜落導致肺部出血,所以喺佢生涯後期腰傷、肩傷都相當嚴重,甚至仲有啲比賽當中係需要注射止痛針先可以出場。但傳奇終究都係傳奇,高敏喺16歲就拎到第一個世界冠軍,其後就喺1988年漢城奧運會為中國贏得第一面奧運會跳板跳水金牌,喺佢成個運動員生涯入面,佢一共贏到七十幾面國際比賽金牌,11項世界冠軍,而且仲喺1986年-1992年間,連續七年都被評為世界最佳跳板跳水運動員,喺所有世界大賽上保持全勝,難怪會被稱為「不敗神話」!

原圖嚟自網絡