喺水庫之下發現到文物都係不時發生嘅事，之但係如果有一條相當完整嘅村莊呢？諗起都覺得壯觀，而呢件事近日就發生喺意大利，阿史今次就同大家講一講啦！

據媒體報導，近日意大利東北部南蒂羅爾就有一個水庫被排乾入面嘅水，唔排由是可，一排就有重要嘅發現。水庫之下就有一個被水淹沒咗足足71年嘅村莊，到底係咩一回事呢？原來呢條村莊係阿爾卑斯山脈嘅克倫村（Curon），由於村莊所在之處正正就係兩個湖泊交匯嘅地方，所以就算面對幾百個居民反對，當局都決定喺呢條村莊位置興建水庫，令到呢個有接近160房屋嘅村莊淹沒喺水下面。

現時水庫嘅水已經被排乾，由於唔少建築保存得都幾完整，特別係有一座教堂矗立水中，成個畫面相當詭異，引嚟唔少遊人觀望。

原圖嚟自網絡