中國星占學最凶天象同火星有關？

火星雖然離地球都相當之遠，但呢粒行星响地球都好容易見到，响夜晚見到火星都會有一等星嘅亮度。亦因為呢粒紅色行星咁耀眼，所以响古代唔同文明對火星都有好多傳說，中國星占學嘅最凶天象更係同火星有關。

咁乜嘢天象咁得人驚呢？就係熒惑守心喇！荧惑係指火星，因為火星亮度常變，位置不定，荧荧如火，因此被稱為熒惑，至於心就係指二十八星宿嘅心宿，現今天文學就係响天蠍座嘅位置。熒惑守心本身係一種天文現象，就係火星進入心宿，由於心宿主星心宿二都係紅色，又代表皇帝，因此古人認為兩粒紅星一齊，會係大凶之兆。

响熒惑守心又好似真係會有事發生，據記載中國古代出現23次熒惑守心，其中11位皇帝死亡，秦始皇、漢高祖、漢靈帝、晉武帝、晉惠帝、梁武帝嘅死亡前後某個時間段，都出現熒惑守心天象。嘩！真係咁堅？