相信史友們都好清楚西方有八十八星座之說,睇過星矢都知有黃道十二星座,唔少姐姐仔妹妹仔都好迷十二星座之說,甚至揀男友老公都要配一配睇下啱唔啱。

其實响世界各地嘅文明,對於夜空星象都有觀測記錄,形成各種星象之說,有五千年歷史嘅華夏文明亦唔例外。自古以來中國人所建立嘅星空劃分體系,就係二十八星宿。二十八星宿又稱為二十八星或二十八舍,古時嘅人將黃道附近劃分為二十八組,以作觀測天象及星象之用,每一組稱為宿。二十八星宿分為東南西北四方,各有七宿,東為青龍,南為朱雀,西為白虎,北為玄武。

二十八星宿之說早响周代已經出現,由於古代人對天地嘅崇拜,所以星象出現變化好多時會被視為天降異象,會有大事發生。好似之前介紹過熒惑守心,就係火星進入心宿,而心宿為天王布政之宮,熒惑守心宮廷中就會有出大事。

原圖:xuanhuwenhua.cn