近排喺網絡上就流傳返唔少建黨初年嘅故事,而其中一位經常被提到嘅人物就係第一位被特批加入中國共產黨同埋中國籍嘅西方人,佢就係馬海德喇!

呢位馬海德原本係一位出生喺美國水牛城嘅醫生,佢喺1931年讀醫果陣就因為同中國學生交好,順便學好埋漢語。而去到1933年,佢就決定同兩個美國同學去考察當時東方流行嘅病,同年9月就已經去到上海。而出奇地,馬海德同埋同學單憑講英文就足以喺上海完全生活到,並且喺廣慈醫院、來斯特醫院從事性病治療工作,其後更加機緣巧合識到宋慶齡。

而喺1936年,馬海德喺宋慶齡推薦之下,就前往咗陝甘寧邊區採訪中國共產黨總部,而佢本人亦都受到中國共產黨事跡感動,決心留低參加革命,而佢亦都喺1937年2月10日加入中國共產黨,擔任陝甘寧邊區衛生部顧問。時間去到中華人民共和國成立之後,馬海德亦都主動提出加入中國國籍,建議得到周恩來支持,佢亦都成伙建國以嚟第一位被特批加入中國籍嘅西方人。

成為中國人之後,馬海德就將佢嘅工作重點放喺性病、麻風病嘅預防治療,為我國治療麻風病作出巨大貢獻!

原圖嚟自網絡