「太歲頭上動土」呢句說話相信唔少史友都有聽過,但呢句說話嘅真正意思同埋涉及到嘅歷史人物,史友們又知唔知呢?

喺中國古代民間嚟講,太歲係百神之首,太歲又叫做太歲星君,係天上嘅木星,喺戰國之前,古人就根據木星運行嘅軌跡將天上由北依次向西、南、東劃分成十二段,而由於木星每十二個月都會運行一次,所以就有太歲呢個叫法。而喺天下第一奇書《山海經》入面就講到,「聚肉有眼而無胃,與彼馬勒頗相彷彿,奇在不盡,食人薄味。」,所以太歲亦被稱為「肉芫」同埋「視肉」。

咁講咁耐,「太歲頭上動土」呢句說話又係點嚟呢?喺唐朝末年,由於統治者荒淫無道,各地都紛紛起義,當中就以黃巢為首嘅民軍最為出眾。而當時黃巢曾經率領部眾經過臨潼縣,路過漢高祖劉邦父親嘅山墳,咁佢就覺得呢座山墳擋路,於是就喺山墳頂部挖咗一個坑,仲邊挖邊吟詩「輾轉中原逐驚鹿, 西進長安過齊都。 吾輩豈是山野人, 太歲頭上敢動土。」黃巢喺太歲頭上動土之後,冇幾耐就被平定咗,而呢句說話後來亦都被理解成冒犯有權有勢嘅人。

原圖嚟自網絡