近排法國嘅羅浮宮傳嚟重大嘅人事變動，呢次嘅變動仲要係由法國總統馬克龍親自決定。喺當地時間嘅26日，有別以往以任命男性為博物館館長嘅慣例，馬克龍就任命咗戴卡赫（Laurence des Cars）擔任羅浮宮新館長，而呢次決定就令羅浮宮自1793年開館以嚟，第一次由女性擔任館長。

據傳媒報導，呢位新任館長來頭相當唔細，戴卡赫目前就係巴黎奧賽博物館及橘園美術館館長，喺佢做博物館館長嘅4年時間入面，佢就提到「博物館社會責任」，博物館要回顧自身嘅歷史，例如就有主張將納粹掠奪嘅藝術品物歸原主；而佢作為館長嘅奧賽博物館就曾經將奧地利象徵主義畫家克林姆（Gustav Klimt）畫作《樹下玫瑰叢》（Rosierssous les Arbres）歸還咗畀前一任主人史提亞斯尼（Nora Stiasny）嘅繼承人。

而喺二戰期間，其實就有過千件納稅喺歐洲掠奪返嚟，後來流咗入法國多家博物館嘅藝術品，咁所以新館長上任之後會唔會對法國嘅博物館以及藝術界帶嚟重大改變呢？就真係要拭目以待喇！

原圖嚟自網絡