喺殖民地嘅宗主國統治之下，唔少非洲嘅國家都發生過種族滅絕嘅事件，而好多時候呢啲惡行都冇一個好嘅解決方法。近日，德國時隔多年就終於承認德意志帝國殖民佔領非洲南部國家納米比亞期間，就曾經犯下種族滅絕罪行。

喺1884年到1915年期間，當時係由德國殖民統治納米比亞，之但係去到1904年到1908年呢段日子入面，當時嘅殖民者德國就派出軍隊殘酷鎮壓當地赫雷羅族同埋納馬族原住民部落，並且對呢啲村落進行大規模屠殺，以集中營關押進行種族滅絕。呢一宗殘酷嘅事件，甚至仲被史學家稱為「二十世紀首宗種族滅絕事件」。

喺呢次種族滅絕事件入面，一共有六萬五千名赫雷羅族同埋最少一萬名納馬族原住民被殺害，唔少人仲係被斬首後，屍身交畀交給柏林研究人員做「科學實驗」，目的係證明白人比黑人有種族優勢，真係相當血腥。

時隔多年之後，德國外長馬斯就第一次承認對納米比亞進行種族滅絕嘅歷史，雖然德國就表示會提供價值十一億歐羅嘅財政計畫支援納米比亞基礎設施建設與發展，但就唔會開啟任何「合法要求賠償」嘅方式。

原圖嚟自網絡