北美嘅歷史史友們响讀書時未必有太多接觸，但其實呢個地區嘅都有好多血腥片段。

最近，加拿大不列顛省一間殖民時代印第安兒童寄宿學校嘅舊址，就挖掘出215具兒童遺骸。當地原住民部落領袖卡西米爾表示，呢間寄宿學校舊址响1978年關閉，相信死亡嘅兒童都係學校學生，依家正設法確認身份。有傳媒引用資料指出，呢間學校15萬名學生中好多人受到強姦、虐待等暴行，逾4,100人在學期間死亡。

响歐洲人未抵達北美州時，依家加拿大地區就住咗好多印第安人原住民。响十六世紀開始，陸陸續續有歐洲人响加拿大地區活動同定居，特別係响十九世紀，英美兩國就北美地區控制權而爆發戰爭，加拿大地區長期以來都係英國殖民地，直至1867年從英國獨立，成為英王自治領地。响加拿大獨立後，當局有意識地試圖消除土著居民的身份認同，其中一個措施就係強迫印第安原住民兒童同家人分離，實行寄宿學校體制，美其名係等佢哋長大後融入現代社會，實際上就係一個種族滅絕行為。

加拿大強迫印第安兒童與家人分離嘅寄宿學校體制就曾被確認構成文化滅絕，當地政府响2008年終於正式道歉。對於今次事件，就連加拿大總理杜魯多响Twitter都回應「令人心碎」，並稱「這是對我國歷史黑暗可恥篇章的痛苦提醒。」