繼續同史友們介紹一啲同三國相關又有啲意思嘅句子，青龍偃月刀喺唔少中式嘅傳統建築入面大家都可能會見過，如果係住喺圍村入面，相信大家仲可能拎過上手添。如果有試過拎關刀，史友們可能就知呢句句子嘅真正含意喇！

提起關公嘅武器，大家都知道係青龍偃月刀，而呢把關公專屬嘅武器據講有成49.2公斤，要拎起都真係一啲都唔容易，更遑論要拎住去行軍打仗。但呢把武器一去到關公手中就可以龍飛鳳舞，仲用嚟斬殺過顏良文丑等名將，認真威風。

而有一次，趙雲手下就有一位武將叫做周倉，佢從來未見識過關公嘅武藝，佢一次就喺趙雲營帳中演練刀法，雖然周圍嘅人都睇得好開心，但就有人問佢打唔打得過關公。聽完呢句之後，周倉就走去搵關公比武喇！

關公喺周倉連番挑釁之下，最終都同佢比武，並且係相當輕鬆戰勝佢，甚至後來周倉仲轉投關公門下添。由於呢個故事，後世就將「關公面前耍大刀」比喻一個人冇自知之明、自不量力，喺才能高嘅人面前賣弄自己。

原圖嚟自網絡