美國對印第安人進行種族滅絕?

尋日就同史友們講到最先開啟原住民大屠殺嘅原來係果位被稱之為「史上最殘忍的探險家」哥倫布，而提到對印第安原住民進行種族滅絕呢件事上，唔少人都即時諗起建國初年嘅美國，到底係咩一回事呢，阿史今次就同大家介紹下啦！

喺1492年北美大陸果陣，當時成個美洲嘅人口大概就係5500萬左右，早年呢班印第安原住民就係以遊牧同埋狩獵嘅方式養活自己，而喺哥倫布發現新大陸之後，殖民者紛紛嚟到呢片土地，先係西班牙，再嚟就係英國，佢哋唔單止屠殺當地嘅印第安人，客觀上仲將瘟疫帶到美洲大陸，令到人口大減。

而喺殖民地時期，當時北美十三州殖民者對印第安人嘅態度都相當惡劣，並且對印第安原住民進行有系統嘅驅逐同埋屠殺，就好似1637年白人對康涅狄克州原住民佩科特人（Pequot）發起大屠殺，對象正正就係婦孺老幼，而且仲焚燒印第安人村莊時，手法相當殘忍血腥；而喺1779年華盛頓仲曾經發動過「沙利文遠征」，令到超過四十條村莊受害，呢啲殘忍嘅屠殺同埋疫症令到北美嘅原住民人口由15世紀嘅500萬跌到去20世紀初得返25萬。而最令人諗唔到嘅係，呢啲咁血腥嘅行為原來美國聯邦政府都有參與，下篇再同大家介紹下！