香港作為世界嘅金融中心，匯聚嘅唔少海內外嘅企業進駐投資，時至今日都有唔少優質嘅中資企業嚟到香港，甚至仲喺香港上埋市，咁到底邊間企業係第一間嚟到香港上市嘅中企呢？ 

喺上世紀九十年代初，其實我國就進行緊改革開放，唔少企業都進行股份改革，而經過國務院同意之下，首批就有九間嘅國企可以到海外上市，而最初本來第一間可以到海外上市嘅企業係上海可化。之不過，由於上海石化遲遲都未能解決股份制改制嘅問題，結果就由內地最早嘅啤酒生產企業青島啤酒作為第一間中企嚟到香港上市喇！

喺1993年6月開始，青島啤酒就開始進行H股認購工作，並且以超額認購110.4倍，達到繳納認購款逾852億港元，可以話係相當成功嘅一次發行。而喺上市儀式當日，其他公司上市多數都係開香檳慶祝，而呢次青島啤酒就係用返自己嘅啤酒，真係估佢唔到！

原圖嚟自網絡