三星堆一直都國內考古學界相當關注嘅一個遺址，而早前考古團隊就再次喺呢個遺址度有重大嘅發現。

據考古團隊公佈消息，早前就喺8號坑進行發掘，喺近20分分嘅灰燼層下，考古團隊就發現到神樹、金器、銅面具等嘅殘片，當中仲有一塊耳仔同嘴巴輪廓都相當清晰嘅金面具殘片，真係相當難得！

而之前喺3號祭祀坑發掘出嚟嘅國寶級文物銅頂尊跪坐人像亦都第一次重見天日，呢尊人尊通高有成115厘米，由上下兩個部分組成，上部分就係一個青銅大口尊，由銅尊口去到肩部都有精美嘅裝飾，而下部分就係一個呈跪姿、雙手持物嘅60厘米銅人，喺當時嚟講真係極為複雜嘅工藝。

對於金面具同埋銅頂尊跪坐人像嘅歷史真相，考古團隊就只可以推斷係同祭祀有關，而呢批文物具有濃厚古蜀特色，亦都反映住三星堆「濃厚神巫信仰色彩」。到底呢個被稱為「堪比兵馬俑的第九大奇蹟」仲會有啲咩發現，真係要放長雙眼睇，阿史都相當期待啊！

原圖嚟自網絡