恐龍化石之鄉發現完整度70%恐龍化石？

恐龍作為一種遠古嘅生物，對現代人而言就真係既熟悉又陌生，而近日喺，雲南省祿豐市金山鎮大荒田村入面，就有一樣驚人嘅發現。

祿豐市恐龍化石保護研究中心就喺呢個遺址進行搶救性嘅發掘，當中就搵到一具屬於侏羅紀早期地層嘅恐龍化石，估計距今至少有1.8億年至2億年。本身發現恐龍化石已經係一個相當好嘅消息，而呢次呢具化石嘅完整度仲係超過70%，真係相當難得。

據專家估計，根據化石尾部及大腿骨等判斷，化石長度大概就喺8米左右，而且目前化石部分就已經露出地表，預計就需要6到7日進行發掘。祿豐市以往都有唔少恐龍化石發掘出嚟，以往就有許氏祿豐龍、阿納川街龍、雲南馬門溪龍等接近38種化石，難怪呢忸會被稱為「恐龍化石之鄉」。