二戰時期日本731部隊响中國東北地區進行各種活體人體實驗,殘忍程度遠超人類道德底線。呢個臭名遠播嘅日軍部隊,竟然同美國一個生物實驗室扯上關係。

外交部發言人近日就提到,响現存公開資料顯示,美國生物實驗室德特里克堡基地同日軍731部隊有千絲萬縷嘅關係。另根據研究731部隊嘅中國專家指出,1945年美國派德特里克堡基地嘅細菌戰專家桑德斯,到亞洲地區調查日本細菌戰嘅狀況,期間美軍就同日本達成秘密協議,以豁免731部隊成員戰爭責任為條件,得到731部隊進行人體實驗、細菌實驗、細菌戰、毒氣實驗等方面數據。呢啲人體實驗報告書原始檔案保存响美國國會圖書館科學技術部檔案室,包括《炭疽菌實驗報告》《鼻疽菌實驗報告》《鼠疫菌實驗報告》,封面就有德特里克堡在內嘅黑色墨印,證明731部隊嘅報告係美國軍方幾個生物實驗室嘅重要參考。

原圖:gushiciku.cn