喺戰亂嘅時候往往都係青年失學最嚴重嘅時期，而要解決呢個問題係需要有熱心嘅辦學團體幫忙先至有可能為失學青年提供教育，而喺上世紀就有一間「達德學院」就喺咁樣嘅時代背景之下誕生。

喺1946年果陣，中國就爆發內戰，當時就有唔少左翼嘅學者、作家為咗避開國民黨當局迫害而嚟到香港，當中亦都有唔少逃避戰亂嘅青年。眼見呢批青年大好年華之時就冇咗求學嘅機會，有人覺得相當可惜，於是就提出成立「達德學院」。

對於呢間學院成立，初時港英係冇反對，而辦學嘅具體工作就係由「中國國民黨革命委員會」、「中國農工民主黨」、「中國民主同盟」組織，以達德命名係因為想表示「達德之道在明明德」，而校園就設立咗喺原十九路軍軍長蔡廷鍇將軍借出位於青山新墟嘅芳園別墅作為校舍。

達德學院曾經喺1946年9月登報招生并舉行入學考試，初時就錄取到一年級生一百幾人、二年級生十幾人，就係咁正式開展培育失學青年嘅道路。之不過，去到1948年，隨住內戰戰況明朗，當時港英就開始限制達德書院嘅運作，並且喺1949年2月取消達德學院註冊資格，並即日封校。結果就令到大批師生就此北上，回國效力。

原圖嚟自網絡