未爆疫情前,唔少香港人都習慣上深圳吃喝玩樂,而且經皇崗、深圳灣或羅湖關口出入境,方便又快捷。响以往,就有唔少香港人經老關口文錦渡出入境,唔知史友們又有無去過文錦渡呢?

文錦渡早响改革開放前已經運作,亦係改革開放前香港同內地兩個口岸之一。不過,呢個口岸响最初期並無客運出入境,連貨運汽車都唔可以就咁過關。因為最初文錦渡係鮮活農產品供港通道,內地供港物資就要靠搬運工人用板車拉過境,名符其實「唔俾人用」。

响1979年,文錦渡口岸正式開通貨運汽車出入境,到咗1981年更增設客運口岸,仲開通出入境客運汽車。所以,响九十年代以前,文錦渡口岸係香港人返鄉其中一個熱門出入境口岸。但隨住各新口岸開通,經文錦渡過關可能係唔少人一個昔日經歷,因為都無再經個頭。

原圖:ppfocus