早排阿史就同大家介紹過內地以革命歷史為題材嘅電視劇《覺醒年代》,呢套電視劇就係慶祝中國共產黨建黨100周年,專門講述以李大釗、陳獨秀、胡適等新文化運動主要發起人從相識、相知到分手嘅故事。雖然係以革命歷史為題材,但呢套劇就喺第27屆上海電視節白玉蘭獎獲得最佳導演、原創編劇、最佳男主角三項大獎,更加受到內地民眾熱捧。

《覺醒年代》爆紅之餘,同時亦都帶動到內地民眾去到各地嘅革命活動舊址打卡,熱門嘅地點就好似有位於北京東城區北池子大街箭杆胡同嘅陳獨秀舊居、北京李大釗故居、京報館舊址(邵飄萍故居)、陶然亭慈悲庵、趙家樓遺址等重要紀念設施。

當地就有傳媒訪問呢班到訪嘅民眾,問佢哋點解會選擇嚟呢啲重大歷史事件發生嘅場地,唔少人都回應係因為睇咗《覺醒年代》,所以希望可以重溫返當年波瀾壯闊嘅歷史,咁睇嚟呢套電視劇真係好有教育意義!

原圖嚟自網絡