57歲太空人聶海勝 第三次出征太空！

今日對中國航天事業、對國人嚟講都係一個好重要嘅日子，事關我國嘅神舟十二號載人飛行任務將會喺今早進行，而今次飛行乘組就會由航天員聶海勝、劉伯明同埋湯洪波組成，聶海勝仲係擔任指令長。

提起聶海勝呢個名，相信唔少史友們都唔會覺得陌生。出生喺1964年嘅聶海勝初時係空軍一級飛行員，去到1998年先至入選成為中國首批航天員，而佢第一次執行飛行任務就係2005年嘅神舟六號，呢次任務佢同埋另一位航天飛行員費俊龍係取得完滿成功並且喺同年11月被授予「英雄航天員」、「航天功勳獎章」等榮譽稱號。

聶海勝其實仲喺2013年執行過第二次飛行任務，呢次就係神舟十號飛行任務，呢次聶海勝就係同航天員張曉光、王亞平搭乘神舟十號執行神舟十號載人飛行任務，執行天宮一號與神舟十號載人交會對接任務，任務同樣都係圓滿成功。