早幾日就係端午節嘅日子，喺廣東地區過節除咗要食粽，其實仲有一樣水果都係應節食品，呢樣就係荔枝喇！荔枝雖然有唔同品種，但一般嚟講價格都唔會太貴，之但係近排廣東靈山就有一種荔枝叫價竟然去到68蚊一粒？到底係咩荔枝咁犀利呢？阿史今次就同大家介紹下啦！

近排叫價去到68蚊一粒嘅荔枝並唔係咩新品種，反而係出自一棵千年古樹嘅。據報導呢棵古樹係屬於靈山鄧家千年香荔，品種就直頭叫做「靈山香荔」。就咁從外形去睇，呢棵古樹高13.3米，最大周長6.15米，樹冠更加去到直徑15米，一睇就知唔惹少，但原來有係有歷史可以講到出嚟。

據當地顏氏家族介紹，呢棵千年古荔枝樹就係屬於佢哋，早喺公元503年前南北朝時期就已經種植，至今已經有1518年歷史。由於每年荔枝產量分大小年，今年屬於小年就只係得600斤左右。咁相信史友們都好好奇到底呢啲荔枝會係咩味道，有試過嘅遊客就表示「肉很脆」、「很清甜」、「沒有一般荔枝的澀味」，真係聽到都想食返粒！

原圖嚟自網絡