陝西博物館兩件文物「生毛」

參觀博物館果陣，大多數大家見到嘅文物都係保存完整又或者已經經過修復，但如果行行下見到文物「生毛」，唔知史友們又會有咩反應呢？

近日陝西乾陵博物館就有兩件文物「生毛」，有民眾就見到兩個陶製人像表面出現咗類似絨毛嘅物體，令到表面好似有層毛衣咁，仲有網民笑言成個情況加上光線折射就好似一隻隻金絲侯咁。面對呢個情況，乾陵博物館就解釋係因為陶製人像鹽析先至會咁，而所謂鹽析就係物件表面嘅鹽份因天氣、溫度變化原因而分離，所以大家見到嘅並唔係絨毛，而係鹽份！

事件發生之後，乾陵博物館已經將文物送到文物修復室進行處理，總算係有驚無險。