贊比亞開國總統卡翁達病逝 終年97歲

近日，一位對非洲民族解放運動相當重要嘅人物喺當地時間星期四因病離世，終年97歲，贊比亞全國哀悼21日。

呢位離世嘅傳奇人物叫做卡翁達（Kenneth David Kaunda），係贊比亞嘅開國總統，亦係由佢帶領贊比亞人民反抗英國殖民統治，最終喺1964年實現國家獨立，同年開始擔任總統直至1991年11月。提起呢位總統，最經典嘅一件事就係喺贊比亞獨立第二日，佢就隨即宣佈要同中國建交，令到贊比亞成為非洲南部第一個與中華人民共和國建交國家；佢喺任內亦都曾經為中國喺聯合國入面大聲疾呼，要求聯合國恢復中國嘅合法席位，認真難得！

卡翁達同中國嘅關係唔單止係建交咁簡單，佢本人亦都相當喜歡中國，曾經多次訪問中國同毛澤東、周恩來等領導人見面，佢本人亦都相當感激中國支援贊比亞嘅行動，而佢甚至仲被稱為「中國人民的老朋友」。