喺翻新建築物嘅時候發現一啲舊物就真係唔出奇，但如果話喺地底可以搵到公元2世紀古羅馬建築，講出嚟大家又會唔會嚇親呢？

近日喺意大利北部維羅納（Verona）就有一間荒廢20年嘅電影院「阿斯特拉」（Astra）進行翻修，而喺過程中建築工人喺挖掘電影院地下室就發現到被考古學家稱為「微型龐貝城」嘅遺址。據專家估計，呢次發現嘅建築物其實就係公元2世紀嘅建築，估計呢座建築物部分係曾經喺火災中受損，之不過亦都因為咁，屋頂倒塌嘅部分反而令到內部唔少傢俱、裝飾都完好無缺咁保留落嚟，呢種情況就令考古學家諗諗因為火山灰活埋嘅龐貝古城，於是就有「微型龐貝城」呢個稱呼喇！

雖然呢次發現係同火山爆發無關，但建築內部嘅木製家具、宏偉壁畫都令到考古學家可以追溯到公元2世紀嘅時候，真係一次重大嘅發現啊！

原圖嚟自網絡