話說最近阿史公司嚟咗話後生仔，問佢住响邊佢就話依家暫時住响旺角。點解會係暫時呢？因為佢家住沙頭角，因疫情關係暫時唔返得屋企住，如果唔係每次入市區都要先隔離十四日。

沙頭角係新界最東北邊嘅地區，亦响香港禁區範圍之內，去呢個地方要有禁區紙。咁點解明明係香港地區，點解出入要有禁區紙呢？呢樣嘢就要由上世紀五十年代講起。港英政府响1951年設立邊境禁區，作為一個同內地嘅緩衝，以防止偷渡活動。禁區範圍大約有二千八百公頃。之但係呢個範圍裡面，就有唔少原居民村落，不過當時港英政府就無顧禁區範圍內原居民或居住响裡面嘅居民，規定出入禁區都要持有相關文件，俗稱禁區紙。亦因為呢個政策，令禁區範圍多年嚟都無乜發展，所以新同事就話，其實搬出嚟住好似第二個世界咁。

原圖：wenweipo