星期日睇新聞，見到班鐵路迷九秒九完又九秒九又入閘又等上車，全因為屯馬線全線開通，新站土瓜灣站宋皇臺站都正式啟用，意味住九龍東大部分地區都有鐵路網覆蓋喇！

呢幾年啟德、何文田、土瓜灣等地都有地鐵站（港鐵站）啟用，但其實早响四十幾年前，呢幾個位於東九龍嘅地區本來就已經規劃咗有鐵路覆蓋。香港規劃興建地下鐵路，係响上世紀六十年代嘅事，最初規劃係起共50個車站，東九龍主線就係鑽石山經啟德、馬頭圍、土瓜灣、何文田、紅磡、馬連拿，再過海到港島林士站。不過，顧問報告後尾提及未來香港人口無之前預估咁多，所以建議縮減計劃規模。就係咁，東九龍線並無列入「早期系統」四期工程當中，到咗七十年代港英政府再縮減鐵路規模，亦即係修正早期系統，東九龍線亦就無乜被提起過喇！

如果當時就落實興建東九龍線，唔知當年會唔會有人排隊後九秒九跑去月台等坐頭班車呢？

原圖：網絡