西安嘅秦始皇陵兵馬俑大家就聽唔少，呢個地方嘅兵馬俑以數量之大、體積之大都堪稱世界奇蹟，難以模仿。之但係，近日內地就有一位教師自學要整呢一種兵馬俑，唔知史友們又見過未呢？

喺遼寧大連，就有一位62歲嘅退休美術教師胡巨校，佢因為係年輕嘅時候學過粉筆微雕手藝，以往都雕過唔少造型各異嘅作品，由建築、人物、再去到動物都有，件件作品都係栩栩如生。而去到2015年，佢下定決心要做一件事，就係要雕刻出8,000件兵馬俑。

要知道同其他雕刻唔同，粉筆微雕由於粉筆質地較脆，所以由落手雕刻去到上色、風乾等等都要又快又準，一唔小心用錯力就好容易令到粉筆折斷，難度相當高。而胡巨校經過39年磨練，由2015年開始就以雕刻兵馬俑為主要工作，至今就已經完成咗2,500件兵馬俑作品，真係期待佢可以將8,000件兵馬俑形象全部雕刻出嚟！

原圖嚟自網絡