尋日講完上世紀七十年代東九龍本來規劃咗興建地鐵，但最後就擱置咗。其實呢條東九龍線嘅規劃本身都係一個經修訂後嘅建議，原來嘅建議仲會同沙中線好似添。

即係點呢？响上世紀六十年代，當時英國顧問公司受港英政府委托，研究香港發展大型運輸研究嘅可行性，响1967年發表咗《香港集體運輸研究》，當時報告建議興建四條路線，包括荃灣至金鐘嘅荃灣綫；馬游塘至上環街市嘅觀塘綫；堅尼地至柴灣嘅港島綫；以及由禾寮坑至尖沙咀嘅沙田綫。呢條沙田線，路條係由禾寮坑經沙田至紅海谷，再抵達慈雲山至東九龍，終點站為尖沙咀。雖然同今時今日沙中線規劃有所唔同，但由沙田至東九龍呢個概念就相當相似。

不過，顧問公司响1968年因應1966年人口調查報告，而對香港未來20年人口增長作出調整，調整後就將沙田通往東九龍嘅一段鐵路刪減咗，成為1970年發表嘅《集體運輸計劃總報告書》裡面東九龍線嘅規劃建議。

原圖：pinterest