今日係中國共產黨建黨日，亦係中國共產黨誕生100周年嘅大日子。响1921年7月，中國共產黨第一次全國代表大會响上海舉行，參加會議嘅13名各地代表連同列席嘅共產國際代表馬林以及尼科爾斯基，舉行地點就係响法租界望志路106、108號，咁呢個開會嘅地方又係乜嘢地方嚟呢？

中國共產黨一大舉行嘅地方，本身係其中一位代表李漢俊嘅屋企。據了解，當年李書城、李漢俊兄弟租咗望志路106、108號兩棟樓房。李書城係同盟會元老，參加過武昌起義，支持孫中山護法運動，至於李漢俊就係雜誌《星期評論》編輯。至於呢個地方，其實早响中共一大舉行前已經係上海共產主義小組嘅開會地點，所以中共一大就選擇呢度個舉行喇！

原圖：cpc.people.com.cn