中共一大唔係「七一」召開？

7月1日係中國共產黨誕生紀念日，不過可能史友們都知道中國共產黨第一次全國代表大會，即中共一大，係响1921年7月23日舉行，咁點解兩者時間唔一樣呢？

其實响7月1日作係中國共產黨誕生紀念日，係毛澤東响1938年所提出，當時佢响《論持久戰》一文提出：「今年七月一日，是中國共產黨建立十七周年紀念日。」亦係中國共產黨領導人第一次明確提出「七一」係中國共產黨誕生紀念日。當時有份參與中共一大嘅毛澤東同董必武，都只係記得中共一大係响7月召開，但就唔記得確實日期，於是就將7月1日確定為中國共產黨嘅誕生紀念日喇！

至於中共一大舉行嘅日子，就係到上世紀七十年代官方經考證後先確定到，就係1921年7月23日。