今日係中國共產黨建黨日，全國上下都有唔少慶祝活動，特別係喺首都北京嘅天安門廣場以往都會舉行升旗儀式慶祝。提起呢樣咁標誌性嘅活動，升掛國旗實際上就係彰顯愛國熱情，而喺上世紀嘅香港要做到呢件事並唔係咁容易，但喺建國初年就有一間中學相當勇敢！

喺1949年10月1日，中華人民共和國建立五星紅旗就喺北京天安門廣場冉冉升起，喺北京2000公里之外嘅香港，就有一間位於北角嘅培僑中學喺同日，由校內教師吳康民同埋學校同工一齊升起五星紅旗。要知道其實當時國旗樣式由公布去到製造就只係得好短時間，據吳康民回憶，當時佢係拎住國旗樣式喺街上搵裁縫製作，喺10月1日前一晚先至成功做好，所以能夠喺正日升起國旗真係機緣巧合，咁樣亦都令到培僑中學成為少數慶祝新中國成立嘅辦學團體之一！

原圖嚟自網絡