做皇帝話說話係「萬人之上」，可以掌握大權之餘後官又有萬千嬪妃，聽落都真係幾唔錯，之但係實際上佢哋嘅生活又係點樣？近排內地網民就瘋傳一份「作息表」，當中就令大家知道皇帝並唔係咁易做！

根據內地網民發佈嘅「雍正一日作息表」帖文表示，雍正一日嘅作息真係相當之忙，由早上四點開始佢就要穿衣洗滌準備早朝、聽取大臣匯報、喺中午之前就要去慈寧官同太后請安、閱讀古書、禮佛同埋批閱奏摺，中間就有一段時間可以午睡同埋自由活動，即係睇下古書字畫、探下妃子皇子等等。而去到晚飯之後，佢依然都係要禮佛書經之後先至可以更衣。

咁之後又點呢？如果佢唔「翻牌子」，佢就可以直接瞓覺，但如果要「翻牌子」，就要先同后妃談下心先至可以就寢，有時佢仲可能會深夜點燈批閱奏摺，所以其實佢都幾忙下架！

原圖嚟自網絡