今年係中國共產黨建黨嘅100周年，全國各地嘅電視台同埋影視圈陸續都有唔少劇集電影上映祝賀呢個特殊嘅日子，而喺被討論芸芸嘅優秀作品中，除咗有討論《大江大河》系列、《最好的青春》，仲有一套作品係今年1月先出現嘅，呢套作品名為《山海情》。到底點解呢部作品會喺內地全網爆紅，當中又係講緊咩故事呢？阿史今次就同大家介紹下啦！
《山海情》呢套劇原名叫做《閩寧鎮》，係由1990年代嘅寧夏西海固地區「吊莊移民」政策開始講起，所謂嘅「吊莊移民」其實就係一項扶貧政策將西海固特困區嘅百姓從山中遷往平原開荒闢土。故事發生喺湧泉村，一開始呢度嘅村民都唔願意配合政策搬遷跑回村莊，並且劇集當中好全面咁描述咗當時嘅「貧」：三個兄弟輪流著一條子、女仔之家為彩禮嫁人等等。喺劇集當中，早期嘅扶貧政策係比較流於形式主義，例如差一户半户就冇得通電、灌溉水引道又限制多多等等。而後來「扶貧」呢件事得到更多討論同埋民眾加入，再加上福建對口幫助扶持寧夏，「山」「海」所指正係寧夏、福建，慢慢就有兩地交流同埋跨地打工嘅情況，寧夏回族自治區西海固人民先逐步脫離貧困走向小康生活。
《山海情》刻劃出一個「有奔頭那就不算苦」嘅年代，再加上係實景拍攝同埋尊重歷史原型，唔少細節都係相當考究，難怪會得到咁高評價。
原圖嚟自網絡
評論：
共0 條評論