提起梵高嘅作品,相信唔少史友都會即時諗到《星夜》、《向日葵》、《有烏鴉的麥田》等油畫,但近排荷蘭梵高博物館(Van Gogh Museum)推出咗一個新展覽,當中展出咗一個作品竟然唔係油畫嚟架!

呢個新展覽名為「Here yo Stay」,係關於過去十年間博物館收集到同梵高有關嘅作品同埋研究,當時就公開咗一個新發現,就係「梵高鉛筆素描的手繪書籤」。呢件作品實際上就係喺一張28cm嘅書籤上面繪畫出三幅農民、女人走過枯樹同埋坐喺火邊嘅男人嘅素描,而呢張書籤就係喺一本描述法國大革命嘅書入面搵到,真係估佢唔到。

研究人員相信,呢幅作品係梵高早期嘅非正式作品,而佢之所以罕見,就係因為素描本來就係極難完整保存,而雖然書籤上鉛筆筆劃好粗糙,但保存得相當完整。咁研究人員又係點樣知道呢幅係梵高作品呢?原來梵高係好鍾意睇書,呢幅作品係喺佢送畀一位荷蘭朋友安東.凡.拉帕德(Anthon van Rappard)嘅書《Histoire d'un Paysan》入面發現,所以可以斷定係梵高嘅作品喇!

原圖嚟自網絡