早幾日阿史就同大家講到楊家祠係秘密大營救中轉站,當年中共地下組織同埋數支武工隊就係通過呢個地方將大批文化界人士轉移到寶安抗日遊擊區據點,咁到底呢次行動救咗幾多人,又救咗啲咩人呢?

要知道喺1937年抗戰爆發之後,有唔少知名嘅文化界精神都嚟到香港避難,當日軍喺1941年入侵香港之後,就進行全市大搜報,命令知名文化人士自行到日軍處報到,如果唔係就「格殺勿論」,當時劇作家夏衍同埋電影導演司徒慧敏更加被直接點名。

眼見情況嚴峻,大營救就係喺咁樣嘅情況下催生。而據事後嘅記錄,唔少文化人當時都係被打扮成難民嘅樣,喺晚上通過駁船直奔廣東沙魚涌、澳門,更多嘅人就係翻山越嶺抵達落馬洲。喺百幾日嘅日子入面,一共有八百幾人成功逃離日軍魔掌,除咗有作家茅盾,仲有影視文化名人夏衍、范長江、蔡楚生、王瑩、司徒慧敏、金仲華等,難怪茅盾稱呢場營救係「抗戰以來最偉大的搶救工作」。

原圖嚟自網絡