第五代太平山頂纜車光榮退休

近排網絡上就流傳咗唔少山頂纜車嘅相，亦都有唔少市民喺炎炎夏日不惜排晒大隊去搭一程纜車，到底點解會咁呢？之唔係因為第五代太平山頂纜車光榮退休囉！

提起山頂纜車嘅歷史，唔多唔少都同早年嘅山頂富豪有關。喺1880年代嘅山頂，其實就只有30、40戶人家居住，但由於山頂酒店嘅出現，所以就有唔少富豪名流都會以「轎」嘅方式來往太平山頂。眼見呢個現象，當時就有蘇格蘭人亞歷山大．芬梨．史密夫打算建造香港島纜車鐵路，將美利樓同埋維多利亞峽連接起來。

而佢呢個計劃喺1882年就得到政府批准，並且成立埋香港高山纜車鐵路公司，山頂纜車最終亦喺1888年5月30日投入服務，成為全亞洲最早纜車索道系統。第五代酒紅色山頂纜車已經退役，今年年底就會迎來第六代全新車廂。