呢排阿史都同大家講唔少日佔時期東江縱隊同埋港九大隊嘅抗日事跡，東江縱隊嘅故事相信大家都聽唔少，咁港九大隊又係點樣嚟呢？阿史今次就同大家介紹下啦！

喺三年零八個月期間，喺守軍節節敗退之後，其實香港嘅抵抗運動並冇停止到，反而係由好多香港民眾加入游擊隊而繼續進行。喺1942年嘅2月3日，港九大隊就喺西貢黃毛應村嘅教堂宣佈成立，當時係直屬東江縱隊司令部，隊員人數高達千人。而當時成個港九大隊係分成六個中隊，包括長槍隊、短槍隊、海上武裝隊、城區地下武裝隊同埋情報系統等等，分工真係幾精細。

而呢一千名隊員入面，大部分都係由新界居民組成，第一位隊長就係香港淘化罐頭廠工人蔡國梁，佢哋先後就喺東江兩岸、港九襲擊日軍，又進行過海上游擊戰，仲去過獅子山日軍分隊、九龍塘處決漢奸，連營救文化界都有份參與，真係赫赫戰功啊！

原圖嚟自網絡