意大利羅馬鬥獸場遺址每年都有唔少遊客幕名出往參觀，但大家去參觀果陣好多時候都只係睇到外部同埋鬥獸場圓形舞台嘅部分，到底角鬥士同野獸搏鬥前最後一刻身處嘅地方會係咩樣呢？近排呢個地方就可能會進一步開放出嚟畀遊客參觀喇！

羅馬鬥獸場建成至今已經有接近2,000年歷史，喺古羅馬帝國呢類建築物就專門係畀奴隸主、貴族同埋民眾去觀賞角鬥士競技、狩獵，甚至仲會間唔中有戲劇表演，認真多用途。要知道無論係角鬥士、或者死刑犯競技定係同野獸搏鬥都係有機會失去生命，到底佢地喺博鬥前一刻係身處咩地方呢？

原來喺露天劇場下層就有住一個佔地15,000平方米嘅地方，入面有關押猛獸及死刑犯嘅密室、角鬥士休息室同埋表演者行過嘅走廊。據館方介紹，呢個地方就係喺公元80年左右建成，以往一直都嚴禁公眾入內，甚至仲從未喺人前曝光。之但係為咗令大家可以進一步了解鬥獸場嘅結構，意大利鞋業集團Tod's就贊助咗80幾人嘅考古團隊對下層進行復修。經過兩年幾時間，呢片神秘空間即將對外開放喇！

原圖嚟自網絡