歷史上殘暴嘅帝皇有唔少,但要成個皇朝都畀人鬧係「禽獸」就真係唔多,但偏偏就有一個皇朝經歷六任帝王,個個都冷酷殘暴、荒淫無道,成個皇朝仲被封為「禽獸王朝」

阿史所講嘅之唔係由高氏家族建立嘅北齊囉!呢個喺南北朝時期嘅北朝鮮卑化漢人政權,歷經高洋、高殷、高演、高湛、高緯、高恆6位皇帝,前前後後亦都只係得28年時間就滅亡,到底呢班帝皇做過啲咩呢?

如果要介紹呢個朝代,就要先由北齊建朝之前嘅高歡、高澄講起,北齊神武皇帝高歡在位嘅時候就曾經將魏朝宗室王妃魏莊帝皇后、建明帝皇后、魏廣平王妃等全部納取;至於高澄甚至仲就喺15歲果陣同佢父親高歡嘅勾通成奸、登基之後隨意調戲大臣女眷、甚至仲奪取細佬高洋愛妻為妻。

而當後來高澄被殺死喺鄴城東柏堂之後,佢細佬高洋登基,除咗命令宮中侍女不得搭衣,甚至仲試過將愛妾嘅頭斬落嚟放喺自己懷中、又喺大臣面前肢解屍體。至於另外幾位帝王,就試過放狗咬死人、為宮中駿馬、鷹犬、雞等封官拜爵等等,完全顛覆晒大家對帝王嘅認知,所以呢個朝代亦被稱為「禽獸王朝」。

原圖嚟自網絡