最近阿史無無聊聊又睇返大台嘅《流氓大亨》,因為呢套戲有阿史最鍾意嘅藝員Peter朱...唔係,係萬梓良先啱。可能唔少人記得呢套戲係萬子响結局最後個七分鐘對住Do姐演獨腳戲,一句so what搞到係人都記得佢。

不過,阿史就留意到《流氓大亨》有一段劇情,大概係裡面萬子就叫人响兩包紙包飲品到落毒,搞到吳啟華間公司要執笠,呢一段應該係參考八十年代一宗落毒事件有關。呢單落毒事件係發生响1984年,當時有超級市場飲品遭人落毒,歹徒仲响飲品公司勒索1000萬。飲品公司全面回收飲品,警方亦成功偵破案件。後嚟警方經化驗後,證實歹徒响吸管插入之處將毒藥注入飲品內,再滴咗一層蠟上去封口。

講返轉頭,萬子响《流氓大亨》裡面一邊飲美味奶一邊對住吳啟華:「無人再敢飲美味奶。」真係好鬼經典!

原圖:《流氓大亨》劇照