蘇丹北部發現巨大教堂遺址

繼續同史友們分享下近來世界各地嘅一啲考古發現，近排喺蘇丹北部就有考古團隊對Old Dongola嘅一個遺址進行發掘，結果就有一項驚人嘅發現。

Dongola係馬庫里亞嘅首都，亦都係三個信奉基督教嘅努比亞王國之一，呢個地區喺公元6世紀就開始改信基督教，甚至仲發展成一個重要嘅城市中心，一路興盛去到10世紀。後來，因為外部入侵同埋內亂等因素，呢個地方就喺13同14世紀之間衰落，基督教亦都慢慢沒落，隨即就踏入伊斯蘭化。

呢次考古團隊就搵到一個相信係呢個地區有史以嚟最大嘅努比亞教堂遺跡，相信係中世紀時期嘅建築，亦都係當時努比亞馬庫里亞王國（Makuria）大主教所在之處。而據考古團隊同儀器進行探測之後，發現呢座建築埋總共保留咗三層、教堂後殿牆上裝著兩排描繪偉人嘅畫作、東南方仲有一座大墳墓嘅圓頂，所以意味住喺佢哋腳底之下仲會有兩層樓嘅遺址有更多發現。