當年嘅今日對中國而言係一個好重要嘅日子，事關有一位嚟自外國嘅官員喺中美兩國關係長期對峙嘅狀態之下嚟到中國進行一連三日嘅訪問，為改善中美關係作出重大嘅貢獻。

喺1971年7月9日至11日期間，時任嘅美國總統國家安全事務助理基辛格，為咗可以實現尼克遜訪華同埋令中美關係正常化，就率先自己嚟到中國秘密訪問。呢次嘅訪問睇嚟就好似好突然，但其實早喺1970年10月尼克遜就已經拜託巴基斯坦總統葉海亞·汗喺訪華嘅時候幫手轉告中國政府，所以基辛格呢次成功訪華，都係因為有巴基斯坦政府從中幫手。

而喺當年基辛格就喺到訪越南、泰國、巴基斯坦嘅行程中，秘密喺巴基斯坦飛到北京，同周恩來總理進行過會談，就美國逐步減少駐台、不支持台灣獨立等議題上達來共識，唔經唔覺咁就50年喇！

原圖嚟自網絡